Amitav Ghosh ki upanyaas -triya mein pahla upanyaas Sea Of Poppies itni jeevant , gahan avem maanvey sanvednaon se bharpoor hai ki yeh unke ek mahan kathakar hone ki pushti karta hai. Iss mahagatha ke kenrda mein ek vishal jaahaz Ibis hai.jiski niyati Hind Mahasagar se Mauritius dweep ki uthal-puthal bhari yatra hai.iske yatri hai navik , bhagode, mazdur aur kaidi. 19th sadi ke madhye ke aupniveshik kaal mein bhartiye aur paschimi mool ke vibhin shetron ke logon ko niyati ek saath la khada karti hai,jinme ek kangaal raja se lekar gaon ki vidhva hai to gulami se mukt hue mulato America se lekar ek swachand yuropiye anath ladki bhi hai. Hoogli se nikalkar jab vo samundar par pahunchte hai aur vo ek-dusre ko jahaz-bhai ki tarah dekhne lagte hain jinhe ek sudoor dweep mein nayi zindagi ki shuruvat karni hai.yeh shuruvat hai ek bilkul anokhe vansh ki.
